Gene Tierney

Gene Tierney a oa un aktourez amerikan, ganet e New York e 1920 ha marvet e Houston, e Teksas, e 1991. Sellet eo bet outi evel unan eus ar merc'hed kaerañ eus an XXvet kantved. Brudet eo dreist-holl evit bezañ c'hoariet er film Laura (1944) hag he roll e Leave Her to Heaven (1945).

He roll kentañ e Hollywood a voe roet dezhi get Fritz Lang e Distro Frank James (1940). A 1940 betek 1945 e c'hoari get ar renerien film vrasañ ag an amzer a reas anezhi un harozez «filmoù du» en Oad aour Hollywood :

• John Ford (Hent ar butun, 1941),
• Henry Hathaway (Kuzh-heol, 1941),
• Josef von Sternberg (Berh e Shanghai, 1941),
• Ruben Mamoulian (Bizouier àr he bizied, 1942),
• Ernest Lubitsch (An neñv e c'hell gortoz, 1943).

Get penn-oberenn Otto Preminger, Laura (1944), e kavas ar roll he lakaas da vout ur sterenn vojennel get ur skeudenn vinimus ha lik. Degemeret a reas ivez da-heul un Oscar evit he roll e Laosk anezhi da vonet d’an neñv, a John Stahl, e 1945, met goude daou film a Joseph Mankiewicz : Dragonwyck e 1946, hag Ar spontailh hag an Intron Muir, e 1947, ne voe roet dezhi nemet rolloù eil renk, hag he hent-micher a achuas er blezadoù hanter-kant. Ar spontailh hag an Intron Muir e oa ur film dudius hag hi e oa eno un harozez lugernuz.